Зорлық-зомбылық – қоғамдағы ең өзекті мәселелердің бірі. Ол адамның өміріне, денсаулығына, психологиялық жағдайына және жалпы отбасылық қарым-қатынасқа кері әсерін тигізеді. Сондықтан зорлық-зомбылықтың алдын алу – қоғамның, отбасының және әрбір азаматтың ортақ міндеті.
Зорлық-зомбылық тек күш қолданумен ғана шектелмейді. Оның физикалық, психологиялық, экономикалық және басқа да түрлері бар. Қорқыту, қорлау, кемсіту, қысым көрсету де адамның психологиялық жағдайына теріс әсер етеді. Әсіресе балалар мен әйелдердің қауіпсіздігін қамтамасыз ету – маңызды міндеттердің бірі.
Отбасында сыйластық, түсіністік, мейірімділік пен өзара қолдау болған жағдайда көптеген келеңсіз жағдайлардың алдын алуға болады. Балаларды жастайынан адамгершілікке, өзгелерді құрметтеуге және жанжалдарды бейбіт жолмен шешуге тәрбиелеу қажет.
Зорлық-зомбылықтың алдын алуда ақпараттық-түсіндіру жұмыстарының, мамандардың кеңесі мен психологиялық көмектің маңызы зор. Қиын жағдайға тап болған азаматтар өз мәселесімен жалғыз қалмай, тиісті мекемелер мен мамандардан көмек сұрауы қажет.
Біздің басты мақсатымыз – зорлық-зомбылықсыз, қауіпсіз және мейірімді қоғам қалыптастыру. Әрбір адам зорлық-зомбылыққа бейжай қарамай, оның алдын алуға өз үлесін қосуы тиіс. Зорлық-зомбылыққа жол жоқ! Қауіпсіз отбасы – бақытты қоғамның негізі.
Шу ауданы отбасын қолдау орталығы.
