МҰРАТ БАЛҚОЖА: ҚОҒАМДЫҚ ҚАУІПСІЗДІК ПЕН ТҰРҒЫНДАР ӘЛ-АУҚАТЫ – НЕГІЗГІ БАҒЫТТАР

№9 бірмандаттық аумақтық сайлау округі бойынша Шу аудандық мәслихатының депутаттығына кандидат Балқожа Мұрат Асқарұлы тұрғындардың әлеуметтік жағдайын жақсарту, жол және коммуналдық инфрақұрылымды дамыту, жастарды қолдау, қоғамдық қауіпсіздікті қамтамасыз ету және елді мекендерді абаттандыруға бағытталған сайлауалды бағдарламасын ұсынды.

Өмірбаяны және еңбек жолы

Балқожа Мұрат Асқарұлы 1993 жылғы 22 маусымда Жамбыл облысы Шу ауданы Төле би ауылдық округінің Төле би ауылында дүниеге келген.

2013 жылы Жамбыл гуманитарлық-техникалық университетін «Юриспруденция» мамандығы бойынша тәмамдаған.

Еңбек жолын 2015 жылы Шу ауданы әкімдігінің ішкі саясат бөлімінде бас маман болып бастаған. 2026 жылға дейін мемлекеттік қызметте түрлі лауазымдарды атқарған. 2026 жылдан бастап жеке заң консультанты ретінде қызмет көрсетіп келеді.

Кандидаттың сайлауалды бағдарламасында тұрғындардың күнделікті тұрмысына қатысты мәселелерге, құқықтық тәртіпті сақтауға және әлеуметтік қолдаудың қолжетімділігін арттыруға назар аударылған.

Сайлауалды бағдарламасының негізгі бағыттары

Мұрат Балқожаның 2026–2031 жылдарға арналған бағдарламасында тұрғындардың әл-ауқатын арттыру, жастардың қоғамдық белсенділігін қолдау, инфрақұрылымды жақсарту және қауіпсіз өмір сүру ортасын қалыптастыру міндеттері қамтылған.

Әлеуметтік жағдайды жақсарту. Кандидат тұрғындардың тұрмыс сапасын арттыруға бағытталған мәселелерді тиісті мемлекеттік органдар алдында көтеруді көздейді. Халықтың әлеуметтік қажеттіліктерін ескеріп, өзекті мәселелердің шешілуіне ықпал ету жоспарланған.

Жастар және бұқаралық спорт. Бағдарламада жастардың бос уақытын тиімді ұйымдастыру, оларды қоғамдық өмірге белсенді тарту және пайдалы бастамаларды қолдау қарастырылған. Сонымен қатар бұқаралық спортты дамыту мақсатында спорттық жарыстар мен түрлі іс-шараларды ұйымдастыруға атсалысу көзделген.

Жол инфрақұрылымы және жарықтандыру. Кандидат округ аумағындағы жолдардың сапалы жөнделуіне назар аударып, көше жарығын жақсарту мәселелерін жауапты мекемелер алдында көтеруді жоспарлаған. Тұрғындардың қауіпсіз қозғалысына және қолайлы орта қалыптастыруға ықпал ету ұсынылған.

Санитарлық тазалық және абаттандыру. Бағдарламада тұрмыстық қалдықтарды уақытылы шығару, көшелер мен қоғамдық орындардың тазалығын сақтау және елді мекендердің санитарлық жағдайын жақсарту міндеттері белгіленген. Кандидат осы бағыттағы жұмыстардың орындалуын бақылауға атсалысуды көздейді.

Қоғамдық тәртіп және құқықтық қауіпсіздік. Құқық бұзушылықтардың алдын алу, қоғамдық орындардағы тәртіпті сақтау және тұрғындардың қауіпсіздігін қамтамасыз ету мәселелері қамтылған. Бұл бағытта құқық қорғау органдарымен өзара іс-қимыл жасау жоспарланған.

Халық мүддесі және қоғамдық жауапкершілік

Мұрат Балқожаның сайлауалды бағдарламасында тұрғындардың ұсыныстарын ескеру, әлеуметтік мәселелердің шешілуіне ықпал ету және қоғамдық қауіпсіздікті нығайту негізгі міндеттер ретінде қарастырылған.

Кандидат депутат болып сайланған жағдайда, алдағы бес жылда округ тұрғындарын толғандырған мәселелерді тиісті мемлекеттік органдар алдында көтеріп, жол, абаттандыру, жастар саясаты және әлеуметтік қолдау бағытындағы бастамаларға атсалысуды көздейді.

Бағдарламаның негізгі ұстанымы – халықпен тұрақты байланыс орнатып, тұрғындардың тұрмыс сапасын жақсартуға ықпал ету.

Дайындаған: “Шу аудандық баспасы” ЖШС

Тапсырыс беруші: Балқожа Мұрат

Шу аудандық мәслихатының депутаттығына кандидаттың сайлауалды үгіт материалы республикалық бюджет қаражаты есебінен төленді