Жуырда Шу қаласындағы С.Сейфуллин атындағы орта мектепте орыс және ағылшын тілі пәндері мұғалімдерінің аудандық семинары өтті. Шараға ауданның түрлі мектептерінен педагогтар жиналды.
Семинар аясында мазмұнды ашық сабақтар, коучинг-сессиялар, сондай-ақ жарқын шығармашылық оқиға – орыс тілі мен әдебиеті пәнінің мұғалімі
Айжан Қамбарқызының авторлық кітабының презентациясы ұйымдастырылды.
Бұл шара барлық қатысушылар үшін эмоциялық және маңызды шара болды. Ол оқушыларды, педагогтарды және қонақтарды Отанға деген құрмет, оның тарихи жолын түсіну және басынан өткен оқиғаларға құрмет көрсету мақсатында біріктірді.
Оқушылар әдеби және музыкалық нөмірлер, ұлттық билер, сондай-ақ Айжан Қамбарқызы кітабының сюжетіне негізделген сахналық қойылымды ұсынды. Ерекше әсер қалдырған образ — отбасы мүшелерінен айырылған, қазақ отбасының мейірімділігінде жаңа өмір бастаған Зелимхан атты баланың бейнесі болды. Бауырлардың қайта қауышу сәті көрермендердің көздеріне шынайы жас келтірді.
«Родина в моем сердце» атты кітабында Айжан Қамбарқызы тарихтағы қайғылы кезең – екінші дүниежүзілік соғыс және соғыстан кейінгі кезеңдегі шешен, ингуш, неміс, орыс, қалмақ және басқа халықтардың депортациясын баяндайды. Бұл шыдамдылық, рух күшін, мәдени сәйкестікті және қиын кезеңдерде өмір сүру үшін қажет адамгершілік қасиеттерді көрсететін әңгіме.
Шараның басында үшінші сынып оқушысы орындаған «Қазақстан» әні эмоциялық күйді орнатты. Ал, кітаптың аннотациясы бойынша экранда көрсетілген бейнемазмұн залда тыныштық орнатып, көрермендер тарихқа шын жүректен назар аударды.
Презентация аяқталғаннан кейін, көпшілік алған әсерлерімен бөлісті. Олар автордың еңбегінің тереңдігі мен маңыздылығын атап өтті. Сондай-ақ ұсынылған материалдың тәрбиелік құндылығын жоғары бағалады.
Айжан Қамбарқызы бұл шара жастарды рухани және патриоттық тәрбиеге баулуда үлкен рөл атқаратынын атап өтті.
«Родина в моем сердце» атты кітабы оқырмандар арасында қызығушылық туғызды. Автордың айтуынша, оның мақсаты – тарихи жадыны сақтау және ұлттық дәстүрге, мәдениетке және шындыққа құрметті нығайту.
Қызыл лентаны қию рәсімін С.Сейфуллин атындағы мектеп директоры Е.Әліпбаев пен аудандық білім бөлімінің әдіскері М.Булекбаева орындады. Олар өз сөздерінде әдебиет пен білім саласына қосқан үлесі үшін алғыстарын білдіріп, авторға шығармашылық табыстар мен шабыт тілеп, оның шығармалары келешек ұрпақ үшін білім мен патриотизм көзі бола берсін деген жылы лебіздерін білдірді.
Жанар ДИГАРБЕКОВА,
С.Сейфуллин атындағы орта мектеп директорының тәрбие-ісі жөніндегі
орынбасары.
