Қазіргі таңда Құрылтай – қоғам мен мемлекет арасындағы өзара байланысты нығайтатын маңызды қоғамдық институттардың бірі. Оның басты мақсаты – елдің дамуына қатысты өзекті мәселелерді талқылап, азаматтардың пікірлері мен ұсыныстарын ортақ мүдде жолында тоғыстыру. Бүгінгі Құрылтайдың маңыздылығы – қоғамдық келісімді сақтауға, ұлттық бірлікті нығайтуға және ашық диалог мәдениетін дамытуға қосатын үлесінде. Бұл алаңда қоғамның түрлі саласының өкілдері өз ойларын ортаға салып, елдің әлеуметтік, экономикалық және мәдени дамуына қатысты ұсыныстарын білдіруге мүмкіндік алады. 23 тамызда өтетін Қазақстан Республикасы Құрылтайының алғашқы сайлауы – осы институттың қызметін жаңа деңгейге көтеретін маңызды кезең. Сайлау нәтижесінде қалыптасатын жаңа құрам қоғамның сұраныстары мен өзекті мәселелерін талқылауға белсенді қатысып, елдің тұрақты дамуына бағытталған бастамаларды қолдауға үлес қосады.
Құрылтай – халық пен мемлекет арасындағы өзара сенімді нығайтып, қоғамдық жауапкершілікті арттыруға ықпал ететін маңызды алаң. Елдің болашағы әрбір азаматтың белсенділігіне, жауапкершілігіне және ортақ мақсатқа жұмыла білуіне байланысты.
Бірлігі бекем, ынтымағы жарасқан қоғам ғана тұрақты дамуға қол жеткізе алады. Сондықтан Құрылтайдың қызметі – бүгінгі Қазақстанның қоғамдық келісімін нығайтуға, азаматтардың үнін естуге және елдің жарқын болашағын бірге қалыптастыруға бағытталған маңызды қадам.
Ілебай КҮЗДЕУБАЕВ,
Жаңақоғам ауылдық округі ақсақалдар алқасының төрағасы.
