Ел Президенті Қасым-Жомарт Тоқаевтың жариялаған Қазақстан халқына Жолдауы еліміздің саяси өміріндегі айтулы оқиғаға айналды. Оны тек есеп немесе бастамалар тізімі ретінде ғана қарастыруға болмайды. Бұл – мемлекетте болып жатқан ауқымды өзгерістерді көрсететін және болашаққа жаңа бағдарламалар белгілейтін бағдарламалық құжат. Жолдауда елдің даму стратегиясының жаңа кезеңдері, соның ішінде мемлекеттік басқаруды жетілдіру, цифрландыруды жеделдету және саяси жүйені жаңғырту мәселелері қамтылды.
Президент жаһандық сын-қатерлер мен тұрақсыздыққа қарамастан, Қазақстан алға жылжуы тиіс екеніне баса назар аударды. Ол биліктің әлеуметтік-экономикалық тұрақтылықты, қауіпсіздік пен дамуды қамтамасыз ету миссиясын нақты белгіледі. Бірақ бұл жолы әңгіме тек бір сәттік шаралар туралы болған жоқ. Қасым-Жомарт Тоқаев ұзақ мерзімді стратегияны ұсынды, оның негізінде әділдік, заңдылық және халықтың өз күштеріне деген сенім жатыр.
Президент өз сөзінде экономиканы әртараптандыру, жаңа технологияларды енгізу, әлеуметтік салаларды дамыту және азаматтардың әл-ауқатын арттыруға бағытталған басым міндеттерді айқындады. Сондай-ақ қоғамдағы тұрақтылықты сақтау мен мемлекеттік институттардың тиімділігін арттырудың маңыздылығына тоқталды.
Биылғы Жолдау – сөз жүзіндегі мақсат пен міндет қана емес, ол жаңару энергиясымен және Қазақстанның сын-қатерлерге төтеп бере алатынына және алға жылжуына сеніммен қарау. Онда халыққа, оның еңбегіне, қазіргі заманғы мемлекет құру қабілетіне деген сенім сезіледі. Президент Жолдауының басты мақсаты – қуатты, әділ, және технологиялық Қазақстанды құруға қол жеткізуге бағытталған. Гүлденген болашаққа апаратын күрделі жолды бірге жүріп, ұсынылған қадамдарды іске асыруға дәйекті болайық. Себебі Президент болашаққа алыс арман ретінде емес, бүгіннен бастап жасауға болатын шындық ретінде қарайды.
Мақсат Шәймерден,
қалалық Жастар ресурстық
орталығының директоры.
