2025 жылдың 21 тамыз күні Шу ауданы бойынша ағылшын тілі пәні мұғалімдерінің дәстүрлі тамыз секциялық отырысы «Білім келешегі: адал азамат – кәсіби маман»тақырыбында Zoom платформасы арқылы онлайн форматта өтіп, оған 165 мұғалім қатысты.
Жиында осы жолдардың авторы кіріспе сөз сөйлеп, «Ағылшын тілін оқытудың ерекшеліктері» туралы айтып өтті.
Секциялық отырыс барысында баяндамалар тыңдалды:
Акшабаев Даурен Мейркулович, Тұрар Рұсқұлов атындағы мектептің ағылшын тілі пәні мұғалімі: «2024–2025 және 2025–2026 оқу жылдарында Қазақстан Республикасының жалпы білім беретін мектептерінде білім беру процесін ұйымдастырудың ерекшеліктері» тақырыбында баяндама жасады.
Ақылбекова Білжан Арыстанбекқызы, М.Мақатаев атындағы тірек орта мектебінің ағылшын тілі пәні мұғалімі: «Ағылшын тілі сабақтарында CCQs (Concept Checking Questions) қолдану ерекшеліктері» тақырыбында баяндама ұсынды.
Нұражиева Қарлығаш Көшербайқызы, Шу ауданы, Абай атындағы орта мектептің ағылшын тілі пәні мұғалімі:
– «2025–2026 оқу жылындағы трендтегі жасанды интеллект және оны ағылшын тілі сабақтарында қолдану мүмкіндіктері» тақырыбында өз баяндамасымен бөлісті.
Конференция барысында ағылшын тілі пәнін оқытудың жаңа әдістері, білім берудегі жасанды интеллекттің рөлі, оқушылардың сыни ойлауын дамытудағы CCQs әдісінің тиімділігі талқыланды. Мұғалімдер өз тәжірибелерімен бөлісіп, алдағы оқу жылына арналған мақсат-міндеттерді айқындады.
Қорытындысында білім беру сапасын арттыру, оқушылардың құзыреттілігін дамыту және ағылшын тілін оқытуды жаңа деңгейге көтеру бағытында ұсыныстар жасалды.
***
Дәл осы күні Шу ауданы бойынша орыс тілі мен әдебиет пәні мұғалімдерінің дәстүрлі секциялық отырысы «Білім келешегі: адал азамат – кәсіби маман» тақырыбында Zoom платформасы арқылы онлайн форматта өтіп, оған 125 мұғалім қатысты. Жиынды осы жолдардың авторы ашып, кіріспе сөз сөйлеп, «Орыс тілі мен әдебиет пәнін оқытудың ерекшеліктері» туралы айтып өтті.
Орыс тілі мен әдебиеті пәні мұғалімдерінің тамыз секциялық отырысы «Орыс тілі мен әдебиетін оқытудың негізгі тәсілдері және жаңа оқу жылына қойылатын міндеттер» тақырыбында өрбіді.
Тамыз секциялық отырысы барысында баяндамалар тыңдалды.
Есенова Галия Жамашқызы, Е. Бекмаханов атындағы мектеп-гимназиясының мұғалімі, «2025–2026 оқу жылына арналған нұсқаулық-әдістемелік хаттың ерекшеліктері» тақырыбында сөз сөйлеп, жаңа оқу жылындағы басымдықтарға тоқталды.
Байқұлова Лейла Тұң-ғышбекқызы, Мұхтар Әуезов атындағы жалпы орта мектептің орыс тілі мен әдебиеті пәні мұғалімі, «Орыс тілі мен әдебиеті сабақтарында рухани-адамгершілік тәрбие және жасанды интеллект» тақырыбында баяндама жасап, көркем мәтін арқылы құндылықтарды қалыптастыруда ЖИ технологияларын тиімді қолдану жолдарын көрсетті.
Алдибекова Сабыркүл Жеңісқызы, Әл-Фараби атындағы мектептің мұғалімі, «Орыс тілі сабақтарында сын тұрғысынан ойлауды дамыту технологиясының тәсілдерін қолдану – жаңа білім беру нәтижелеріне қол жеткізудің бір жолы» атты баяндамасында практикалық әдіс-тәсілдермен бөлісті.
Боранқызы Гүлмира, Е.Бекмаханов мектеп-гимназияның мұғалімі, «Орыс тілі мен әдебиетін оқыту аясында оқырмандық құзыреттілікті дамыту» тақырыбында баяндама жасап, мағыналық оқудың маңызын атап өтті.
Секциялық жұмыс нәтижелі өтті, тәжірибе алмасу мен кәсіби диалог алаңына айналды. Жаңа оқу жылына арналған басты бағыттар айқындалды.
Майра Булекбаева.
Шу ауданы білім бөлімінің әдіскері.
